看多 BULLISH
第二件事讲台积电。台积电呢次业绩其实系非常强劲，但点解出完好业绩之后，反而可以用一两个星期，由高低位跌咗20%？个核心就系毛利率有少少调整，轻微跌咗大概1%左右。原因都唔复杂，就系新嘅2纳米虽然一路有进步，但前期成本比较大，所以暂时畀2纳米拖低咗毛利率，令到成间公司整体毛利率被压咗少少。 但我反而会咁睇：如果2纳米真系慢慢做成，而且喺台积电成个业绩入面占比一路提升，依家可能只系8%，但如果人类AI技术继续进步，未来2纳米始终有机会变成主导、dominate 个地位。当呢件事一路放大，对成间公司盈利嘅贡献越来越高，咁有冇机会之后做价格调整、加价？一加价，盈利又有机会再创高峰。 所以我会觉得，呢种情况其实系基本面完全冇乜问题，订单又系爆炸，甚至佢仲不断有更多资本去推进自己公司业务。定价权、行业地位，呢啲都仲系喺度。我相信台积电嘅基本面系完全冇乜问题。 因此我自己会觉得，台积电呢啲位，反而系跌落嚟畀我哋一个机会。