看空 BEARISH
连带讲 Nike 呢只股票。COVID 期间我曾经都系赞赏过佢嘅，但之后呢，哗，佢比 Lululemon 更 L 大镬。老老实实，如果我做 Trader，今年揸住 Nike，我真系长沽佢啦。个下降trend靓到咁，边度揾到一只咁靓嘅股票去跌，系咪先。 点解我咁睇？因为佢成个品牌同营运，真系好似唔知做乜Q。 第一，品牌声量呢样嘢，世界杯已经好明显。我之前都有讲过，点解啲球星全部 walk 晒？麦巴比呀，夏兰特呀——夏兰特都 OK 嘅，但佢有冇出名到可以帮 Nike 扛起成件事？我唔觉。最后冠军系西班牙，Adidas 嘅。即系话，揼咗咁多钱搞世界杯，最后一啲 noise 都无，咁你个品牌投放做咗啲乜？ 第二，业绩直头反映到问题。啱啱上一份财报，截至 5 月尾，大中华区按年跌 12%。呢个仲已经有啲汇兑著数，因为人民币升值；如果撇除埋汇兑影响，其实系跌 17%。大中华 Nike 跌 17%，连续跌 8 年。咁你见到就系，demand 不断削弱，你自己个品牌系一路削弱紧自己。 第三，唔止 demand 弱，supply 仲源源不绝。咁喺中国市场你就系畀人卷死。即系去到呢一步，你真系要谂返自己应该点样搞个品牌，而家唔系单纯一季半季数字唔好睇咁简单。