看多 BULLISH
AVGO 份最新业绩其实系非常之好，收入一百八十亿，增长三成左右；纯利八十五亿，差唔多增长一倍。AI 相关产品都差唔多占成一百亿，增长七成，接下来全年预测又比预期好。 佢食住 ASIC 晶片呢个位，一个佢、一个 Marvell，就大爆升。但问题系呢啲系度身订做，每个客、每个 project 都可能有唔同要求，研发成本梗系会贵啲，生产成本都可能贵啲，所以毛利率就跌啲。 但我又唔系去到好担心。你难道会觉得 ASIC 晶片需求会下跌咩？暂时起码嚟紧一两季都未睇到。只不过 AVGO 从来个 PE 都系好 Q 贵，之前系偏贵啫。依家 PE 落返大约三十几倍，Net profit margin 36，PE 返 35、36 倍，咁咪合理返啲啰，make sense。 另外佢都透露到，已经有潜在第四个 ASIC 晶片大客。之前已知包括 OpenAI，同埋 Google TPU；今次再有个新客，接咗差唔多一百亿订单。