看多 BULLISH
Google点解我会睇好呢？原因就系佢喺AI入面有全栈布局，除咗有自己嘅云之外，亦都有自己领先嘅AI model，仲有2C用户优势。 你谂下，Google有YouTube，几十亿用户；又有Google Map、Android等等，全部都可以透过呢啲应用攞到大量数据，令到佢嘅大模型做得更加好。 如果佢发展Gemini AI agent，AI个人助理，佢马上嘅用户就系Google自己出嚟𠮶班。我自己都会用Google Map、Google、YouTube、Android等等，所以呢件事系好屈机嘅。我觉得Google将来非常值钱。 Google基本上我系睇好，仲有一样嘢，巴菲特买入Google嘅原因，就系睇中佢现金流超级强。所以我哋觉得Google基本上系非常非常强，系我哋睇好嘅板块，大机会下年有机会可以部署嘅股票。 而且Google好可能有机会出一波突破，突破呢个下降趋势，有机会就会爆发。所以Google系第一间同大家分享，有机会可以留意。