看多 BULLISH
台积电就是这样，现在已经赚了15%左右，但我依然觉得，台积电系美国科技股入面，其中一只最强势嘅股票。如果之后继续升上去，有任何拉回嘅动作，可能我哋都会加仓。 原因好简单，台积电系全球最大嘅晶圆代工厂，市占率高达70%。你手头上嘅 iPhone 也好，NVIDIA 最新嘅 AI 芯片也好，去到各大车厂嘅自动驾驶晶片，其实背后都离不开台积电。 2025年第四季，可以用全面超预期去形容。单季营收337亿美元，年增长25.5%，超过公司原先畀自己嘅指引。更加惊人系毛利率去到62.3%，历史新高。 去到2026年，气势完全冇减弱。1月份营收达到4000亿新台币，大约127亿美元，年增长36.8%，月增长19.8%，创咗历史同期新高纪录。 所以简单嚟讲，AI 嘅需求唔系放慢，而系加速。而台积电，就系食光咗呢个浪潮嘅一间公司。 目前三纳米加五纳米占总营收63%，所以你见到佢技术领先嘅优势，系持续扩大。 当然，台积电都有几个风险我哋必须知道。第一就系台海政治局势，Bloomberg 最近有篇报导，模拟中美因为台湾爆发冲突嘅情景，估计可能高达十兆美元嘅经济损失。 但系台积电，我哋上个礼拜都有讲过，呢只股票可能系未来美股、大型科网股嚟讲，一只好值得留意嘅股票啦。