中性 NEUTRAL
第二，AI订单能见度真系明显提升咗。季内新增超过300亿美金AI云端合约，RPO再升到6640亿，仲高过市场预期。呢个数字相当于本季收入嘅34倍，如果中间真系可以兑现，咁就真系一个好靓仔嘅数字。 但老实讲，市场对呢旧咁庞大嘅数目，到底有几多含金量系真，仍然有疑虑。其实都好正常，如果完全冇疑虑，股价起码多100元畀你啦，点会仲系呢个价。 另外，管理层都有上调每股盈利，不过唔使自嗨得太劲。上调系有，但幅度唔算太高。至于啲比较利淡、或者我仍然会留意嘅因素，其实都照旧。 第一，自由现金流我唔想呃你，压力仲喺度，仍然系负数。本季自由现金流系负54亿美元，的确明显好过市场预期嘅负95.6亿美元，但负数就系负数，呢个情况暂时仲会继续。 第二，传统软件业务𠮶部分仍然比较弱，甚至软件收入同比唔单止冇升，仲跌咗3%。呢个都反映本地部署持续迁移去云端，长期转型系有利，但短期旧业务收入继续流失，呢样嘢都唔可以当睇唔到。 所以，如果用佢预计今年每股盈利8元去睇，先唔计下年增长，因为市场对佢嘅不信任度都仲几大。只计起码旧有盈利8元，只要往后盈利唔倒退，就算畀一个比较细嘅PE，好似12倍或者15倍，你反推返去，今年跌到最低大概100元左右，支持力应该都算几大。 但另一边，如果你用一个好老套嘅算法，8乘20倍PE，即系160元，只要去到160元以上，市场又会有人开始乘机唔信、又掉返落去。而160元，啱啱好就系而家夜店个价格。