Google 我本来就有持仓。上星期它一周跌咗 12%，单日都跌 12%，市场当刻真系好惊，新闻一出来个个都打冷震，觉得 Google 系咪出事。结果呢？佢一度落到 270 美元，之后又慢慢弹返上来。去到大概 282 美元𠮶啲位置，我自己反而系加咗一点点注码。唔系all in𠮶种，加少少啫。 点解我仲敢加？因为我睇 Google，始终有几个核心亮点冇变。 第一，现金流依然非常充沛。呢样好重要，因为而家市场最怕系公司要不停烧钱追 AI，但 Google 唔系一间冇底气嘅公司。 第二，Google Cloud 真系增长得好快，已经成为核心增长动力，而呢个引擎本身就系由 AI 基础设施同方案去带动。呢个唔系讲故事，系业务层面已经愈来愈核心。 第三，佢喺 AI 模型同生态链上面，仍然系领先位置。Gemini 呢条线，我自己觉得喺整个 AI 竞争入面，Google 系有货、有牌、有生态，不是完全被动。 再加埋本业其实未散。Search、search ads、YouTube，根基依然好稳，基数依然好大。大家今日睇片都仲系透过 YouTube，本身就已经说明咗 Google 旗下一大块业务板块有几大。 所以股价跌落来之后，我会觉得系市场重新定价。PE 低咗，估值自然吸引咗。对我来讲，呢类重定价，如果基本面冇烂，反而系机会多过恐慌。 当然，Google 唔系冇风险，我一直都讲佢有几个风险。 第一个，资本开支压力真系好大。第二个，AI 基础建设其实去到某啲瓶颈位，基建追唔上需求。第三个，监管同反垄断法案会有冲击。 不过老实讲，监管、反垄断呢啲，我反而唔系最惊。好多时一间企业有呢种风险，某程度就证明咗佢喺好多范畴真系够大、够强。 我自己更在意嘅，其实系两样。第一样系资本开支令市场失去信心，呢样会令股价波动，但我唔当佢系真正不可控嘅风险。原因好简单：Google 花多花少，佢自己可以控制。就算而家签咗单，签到 2028、2029 年，去到 2030、2031 年佢可以唔再签。股票炒未来，唔需要等到真系停晒 capex 𠮶一刻，市场只要见到佢开始收敛投入、唔需要再花咁多，估值就有机会先行修复。 但第二样，我觉得就要更加小心，因为未必系佢完全可控——AI 对搜索引擎业务增长嘅冲击。呢点如果大家冇睇得好仔细，好容易忽略。但做基本分析、睇业绩、做研究，其实会见到一啲迹象。所以点解我唔系喺 300 几蚊加，而系等到 280 几先加，原因就系我一路都有睇住呢个风险：AI 的确已经开始对 Google 本业造成一啲影响。 但系，有危就有机。正正因为 AI 迟早都会冲击本业，我反而觉得 Google 而家再投资 AI，系正确方向。与其等人打你，不如自己狠狠地做规划、做投入、做转型。呢个选择，我系buy 的。 所以我而家对 Google 嘅睇法好简单：有风险，但未去到破坏 thesis；现金流仲系强，Cloud 同 AI 仲系增长核心，本业根基仲喺度，而股价经过重定价之后，估值吸引咗。我自己本身有货，低位亦都有加一点。 投资好多时真系要讲时间。好似 Google 呢类基本面稳健、现金流、护城河都仲强嘅公司，当市场因为恐慌或者短期预期转弱而杀落来，时间往往系你最好嘅朋友。唔系话一个月、三个月一定赚几多，而系你拣啱资产之后，守得住，等时间慢慢行返出来。Google 呢次，其实就系一个几典型嘅例子。
看多 BULLISH