看空 BEARISH
TLT我系一定唔会买的。点解？因为好多人其实唔知道，买TLT同我自己买直债，分别系边。 TLT唔同。佢买嘅系长期美债，平均长期大概摆喺𠮶个位，譬如你当25年。问题就系，时间系会过㗎嘛。今年25年，过多5年，原本𠮶批25年债就变20年。即系话，你手上𠮶张25年债，会一路老化。 但ETF唔会畀你25年之后变零，亦都唔会畀佢一路由25年变到20年、再变到更短，因为咁就唔符合佢自己个定位。所以佢每年会做咩？就系卖一啲旧债，再买一啲新债，去维持返佢𠮶个长年期位置。我唔知TLT实际系维持23定25，总之佢就系会维持住，唔会好似你自己揸直债咁，等佢一路走到到期。 问题就喺呢度。债市好嘅时候，佢可以升得多；但债市差嘅时候，佢喺买卖之间系会输手续费，第二仲有差价。呢啲输咗，就系真系永久性冇咗。呢个就系我唔买TLT嘅原因。