看空 BEARISH
Oracle 真系衰。由高位回调四成几，跌到咁上下，暂时都唔睇得出有咩转势，又系一个业绩话畀你听：同以前一样，狂烧钱，返啲嘢返嚟，但感觉成盘数都系得个做字，唔系好赚钱。 佢之前爆上嚟，主要就系因为入咗 OpenAI 呢个生态圈。大家记唔记得？但而家又话帮 OpenAI 起 Data Center 要推迟，到 2027 年先至起好。问题就系，你又要用好多 capital 去起一旧嘢，而呢旧嘢对自己盘公司业绩，真系未必好赚到钱。 再加上而家市场越嚟越惊：睇返财务报表，好似有啲财困，CDS 又急升。即使有大客话未来几年好多生意做，都要推迟，因为钱从何来？要先有个投资期先得。 实质上，股价已经回到起步点楼下。即系当时炒上去，系希望、发市梦、概念有关；而家杀返落嚟，就系回到基本，回到原本。暂时我唔会当佢系有用。