看多 BULLISH
如果以而家 TLT 来讲，其实息率大约 5%，价钱大约 38 蚊。假设 10 月真系再加息，TLT 仲有机会再跌，息率亦都有机会再升；如果去到 5.5% 左右，直播入面我哋就会开始买货。 我自己睇，买 TLT 有两个做法。第一个做法好简单，买完之后长期保留，每年收 5.5%。如果你系以国债做基础去睇，5.5% 其实系可以接受，甚至系唔错。 第二个做法就系睇宏观。未来几个月如果美国经济转差，其实好有机会好快又再入减息周期；一旦减息周期开始，美国国债价格就有机会升返上去。即系话，呢度除咗有息收之外，价格本身都仲有一定操作空间。我当而家呢个位买，就算唔贪，净系去返之前一啲高位，可能都做到 10% 左右，12% 至 15% 呢啲潜在升幅，再加埋本身个息率，其实个 setup 系唔差。 所以如果个价位真系去到赚到包、安全系数高，我会将部分钱慢慢放入 TLT 呢只 20 年期 ETF 入面，分阶段去买。大概成个身价 5% 左右，我都会摆落去。呢个就系我自己对 TLT 嘅睇法。