看多 BULLISH
昨天都好多战友问我：田北，你爱股 Tesla，点解你唔搞？最近反弹得几好㖞。 我都好老实，我自己有再做功课，究竟点解我唔搞。其实唔系我唔想搞，系因为大家可以睇一睇，由2025年12月𠮶个跌势开始，498高位，穿过5月11号高位，再穿过6月29号高位，中间仲夹住一个5月25号高位，依家啱啱好就去到呢啲位置，398、399附近。 你问我，如果佢喺呢个位突破咗，之后再回头做回测，我觉得𠮶下值博率系高嘅；但如果你冇喺呢个位置去做，我自己就觉得值博率偏低。 仲有，我都专登睇过佢自己业绩前后嘅走势。你问我，逢业绩公布完之后，如果佢唔跌，反而走上去，系咪就一定会走得好靓呢？又未必。大家可以睇返对上一次，业绩公布完之后，跌一跌，跟住即刻走上去。你睇呢度，就系上年10月，同今年其实好相似。系可以走上去，但好多时好快又会跌返落嚟，之后再上，𠮶下先系机会。 所以你问我，最稳妥点做？我唔系唔搞佢，我一直都有留意住，我会搞，但我会等佢继续放飞呢一段，跟住一回头𠮶一下，我觉得先系一个好佳、好靓嘅上车机会。 你睇，我都冇办法，今次佢业绩之后回落𠮶一下，去唔到340几呢啲位置。如果你问我，去到340几，我觉得值博率系高嘅；但你话依家呢一刻，接近400蚊就冲入场，我觉得个值博率唔系特别高。就系咁。