中性 NEUTRAL
我亦都有买 Delta。老实讲，Delta 对我来说系一个几好嘅实验场。唔系话我想自己持股变成实验品，当然唔系咁嘅意思，只不过个市况有时唔轮到我哋拣，我就索性睇下佢会跌成点。 点解话佢系好实验场？因为佢而家唔系高增长概念。疫情开放之后有过，世界杯𠮶阵又有过，但依家冇咗。暑假都就快完，圣诞我又唔觉得会增加到啲乜。再加上油价高企，佢又系传统经济入面最受压𠮶类，所以好适合拎嚟观察。 所以我而家就睇住。如果最理想嘅情况之下，佢竟然喺80元都仲可以撑得住，我会几满意，咁即系话佢真系一只几坚硬、几有质素嘅股票。再简单啲讲，如果个股市真系再调整、再深少少，而佢跌得比大市少，咁呢只可能就会变成我再加重嘅持股。