看空 BEARISH
我觉得而家鬼点其实系个预期。究竟呢个预期去唔去到？仲有，NVIDIA买芯片𠮶个诚意究竟有几大？如果讲到尾，其实中国对NVIDIA啲芯片根本冇乜兴趣买，咁你而家市场做紧𠮶套预期，未必达得到。预期一达唔到，个泡沫就唔系话慢慢挤，系可以跟住落，而NVIDIA股价向下嘅空间可以好大。 另外，我自己一直都觉得，NVIDIA嘅竞争对手真系好多。你个GPU，我唔一定要用你。大家分析呢件事，第一样嘢真系唔好当NVIDIA系王，觉得佢做乜都得、冇得challenge。你记住，股票市场冇永远嘅王者，今日你做王，只系因时制宜，可能过多一头半个月，成件事已经唔同。再讲，佢成本一路升，连记忆体、HBM成本都升咗唔少，冇理由完全唔理毛利。再加上竞争对手可以系Google嘅TPU、Amazon𠮶类、又或者ASIC，Taylor-made畀大客嘅AI芯片，呢啲之前都讲过，全部都系佢风险所在。基本上，你要成个环球对AI算力嘅需求，继续咁澎湃咁上升，你先至托得住佢而家咁高嘅增长，同埋一个相对高嘅估值。问题就系：系咪真系可以呢？ 所以我会觉得，而家升咗大棍，唔使第一时间因为呢两日急抽上去，就轻易相信前景真系咁靓、继续大好。反而未来两三个星期，要等佢消化下，睇下NVIDIA系咪真系值得喺呢啲位置再投入。尤其系今个星期，喺咁好消息之下，技术走势系咪真系可以一路护耀直上，定其实入面已经开始有啲唔对劲？呢段时间，反而要睇清楚，究竟会唔会系回头先。