看多 BULLISH
美超微呢只，其实我之前都讲过，回看自己纪录都几好笑，我以前有个评级叫「妖股」，咁呢只当然系妖股。 撇除之前𠮶两个问题，一个系终于补返数字，第二个系司法问题点应对，返返去睇业绩，其实算系对板。因为真系好生意，NVIDIA 有生意，就算佢而家食唔晒，食到一截都已经够食。 收入去到一百亿，收入增长一倍；纯利去到五亿，增长三倍。不过讲真，佢只系赚 5%，所以主要都系靠量，薄利多销。 长线增长我放三成，但由于增长咁夸张，其实已经计唔到数，我个计价模式都计唔到。不过如果硬计，都可以解释到点解会升 18%，因为纯利真系大增。 公司自己都讲，未来生意会唔错，因为好多客户、资料中心都未建好，仲要继续买伺服器。呢啲大家都唔使理，大家都知道需求系好。 再加上有 Intel 𠮶位老大助阵，我谂起码啲明显错误唔会再犯，譬如明显走私返中国或者其他地方，我估佢应该会睇到、会停到，亦都可以俾返市场一个信心。所以 SMCI 喺丑闻之中，算系有少少翻身。