看多 BULLISH
Microsoft 我哋而家仲有 4% 左右仓位，啱啱食咗 2%。原因好简单：之前有两注买得比较贵，450 同 438；另外 4 注系 400 以下。短期要再返去 400 以下，我觉得就唔系咁易，但之后有机会回调、甚至落返 450 以下，呢个概率我觉得都几大，所以先食走啲高价注码，锁定利润，呢个就系我哋自己喺 MSFT 上面嘅操作。 但呢个唔代表我睇淡。其实你睇 MSFT 个走势，仍然系好睇嘅，只系我哋想安全啲。接落嚟佢都可能再碰一碰 R70 呢个位，好似之前咁会有啲争拗；去到业绩期，打在 20 日之后，会唔会有啲好消息呢？可能有机会突破。 所以我哋成日讲，听落好似有啲矛盾，其实唔系。见好就收先，升得比较好嘅股票，先锁定一部分利润；但长仓方面我哋都仲留返 4%-5%，畀佢自己跑，有冇机会再突破历史高位。如果真系突破历史高位，𠮶 4% 就继续摆住，仍然可以食到后面比较好嘅升势。 另外你见到 Microsoft 下面呢啲位置，仍然系好深嘅蓝色区域，即系支持位都系非常坚实。我哋大约会喺 390 呢啲位以下，再考虑继续捞货。其实就系两手准备，做人都系要有 A、B plan。