看多 BULLISH
SpaceX近排几单新闻都几精彩，其中一单就系专跟NVIDIA合作，会用NVIDIA晶片，甚至喺太空𠮶度做Data Center。喂，其实呢单生意都几好，NVIDIA一定会有生意，呢个 deal 一定系唔错。 再讲返NVIDIA本身，明晚就出业绩。有人统计过，对上接近十季八季，全部业绩都好过预期，一睇真系相当夸张。收入方面，对上𠮶几年，全部按年两倍；就算系双位数，都系七成、六成，吓死人。纯利更加夸张，最差都仲有26%，好多时系六成、升一倍、升两倍，net profit margin 又维持喺六成。 好多人好钟意讲𠮶套，话唔可以去到咁高，永远都维持唔到，讲下又讲，讲下又讲，但佢系升完又升。以我自己分析，其实跟踪住美股一段时间，如果能够纯利增长同纯利率保持35-40%，已经系股王中嘅股王。如果真系35-40%，我认为30-35倍 PE，喺我角度系可以。NVIDIA 4P跌咗24倍，我唔系话一定无敌，只不过系会有基本因素支持。