呢次花边新闻搞到 NVIDIA 震一下，好正常，市场最惊都系老黄唔做。上网见到连揾 Tim Cook 来做都吹到咁大声，我自己觉得有啲夸张。其实我一向都觉得，一间公司嘅 CEO 唔代表一切。当年乔布斯走咗之后，Tim Cook 上任，大家都问得唔得，结果 Apple 估值一样升到上天。呢类例子其实唔少见，最重要人物离开、卸任，市场一定会恐慌，觉得成件事会唔会唔同晒，但好多时又未必。 有好多好劲嘅职业经理人，一样可以带得起一间公司，分分钟仲可能比 founder 更好。呢个我自己有创业、有公司，我几明。Founder 有热血，好想公司做到某样嘢，但往往因为太想做到，反而有机会忽略咗 profit margin。职业经理人反过来，佢清楚知道自己食紧边行饭，而呢行饭未来十几二十年都仲可以继续食，佢有机会帮你越做越好。所以你问我，我又唔担心到咁。你话啲 GPU 研发系咪老黄一个人做？我绝对唔信，梗系成个团队做。佢可能系 brainstorm、去夹，但最重要始终系董事会知自己想行咩方向，公司知自己想行咩方向。老黄喺我眼中更加似一个好 top 嘅 sales，但就算换另一个，都唔代表唔可以系 top sales，甚至一样有机会将 NVIDIA 继续发扬光大。 不过，短期对股价有震荡系非常正常，呢个我唔会否认。尤其去到阻力位置、20 天线附近，要佢休息一下，唔奇。再加上咁样大跌完，底部通常都系要反复震，类似 Google 𠮶种玩法，要时间修复。大家要有心理准备，今年年底去到 12 月、1 月，都未必咁快走得返上去。所以出手位系好关键。 我自己点处理？我点都会等佢破咗个劣势先，否则你根本唔知后面仲会发生咩事。呢啲位最怕就系，已经爆一次，跟住又爆第二次，你唔知会唔会 third time，double kill 变 triple kill。所以呢个时间，我会等市场消化晒、等佢畀人做完，有反弹嘅时候先再考虑点样处理，呢个先系比较恰当。技术上，短线如果能够企稳 170 以上，我觉得就 OK；如果再回多一次，个值博率我反而觉得会更出。
看多 BULLISH