看多 BULLISH
我都想同大家分享下，当时点解我会买入 Tesla。 其实当时我哋都睇唔到咁多嘢，只系去到𠮶啲位置，我哋喺359元附近加，356元我自己都加咗一注，原因好简单，因为𠮶阵系踩住一个 Keytrend 嘅支援，我哋会觉得，去到呢啲位已经几值得。 但老实讲，结果第二日系穿咗，跟住𠮶两日都仲系穿。所以之后我冇再即刻加注，因为我都有担心，会唔会真系转势，会唔会𠮶个位其实系见顶价，系真见顶，然后一路跌落去。 但点解最后我哋冇因此睇淡？就系基于我哋对呢间公司本身嘅认识。我哋知道 Robotech 系量产，亦都知道有啲大行对佢哋预期系比较高。因为 Robotech 一旦行到量产，佢就即刻可以值到大约470元。所以我哋冇急住乱追，系耐心等咗几日，先加第二注。 所以到依家，我会视为转绿灯。只要佢唔系再穿一次300，其实我哋都会觉得，Tesla 依然系一个上升浪。呢个就系我对 Tesla 最新嘅部署。