中性 NEUTRAL
Oracle 现在真系水深火热，由历史高位跌咗四成。大家以为佢入咗 OpenAI 生态圈，生意额就大啦；系，生意额系大，但投资额都非常之大，所以近期 CDS 急升，债务压力好大。 TikTok 呢边暂时当系好消息啦。甲骨文会收租赁，老实讲，服务放喺甲骨文一定贵过放喺字节跳动，佢唯有喺𠮶度赚。虽然合资公司本身未必赚钱，但你出去买服务、揾 Oracle 买服务，𠮶度都系钱，云端需求又大。希望日后如果广告仲系好厉害，甲骨文可以收好多，变成一个祝福，唔系一个负累。暂时我哋都唔知金额，唔知 Oracle 要用几多钱买 TikTok 股权；昨晚股价系升咗，不过之前都跌得好惨。