基金經理贏錢博奕_朱晉民：AAPL 看多

我自己会觉得，全球 AI 驱动嘅 Siri，其实有机会喺稍后时间触发一轮大规模硬件换机潮，仲有机会带动 Apple 呢只生金蛋嘅服务业，提前实现所谓嘅货币化。呢个系我睇 Apple 比较核心嘅一条线。 我哋预计，新版 Apple Intelligent 呢个功能，有机会喺 2027 年推动服务业增长超过 10%，而产品业务亦都会实现一个中双位数字嘅增长。点解我会咁睇？大家唔好忘记，市场上流通紧嘅 13 亿部 iPhone，系冇足够硬件配置去运行呢个升级版 Siri；当中有 8.5 亿部，甚至系完全无法支援新嘅 Apple Intelligent。咁你升级咗 Siri、升级咗 Apple Intelligent 之后，老实说，就系逼你更快换机。所以所谓一个更大嘅换机潮，理论上应该来讲，咁样理解系冇错嘅。 如果呢件事真系可以实现，到时 Apple 盈利再上一个新高，我觉得亦都唔奇。 所以我长话短说，大家最关心都系股价。我觉得 Apple 股价唔会无限跌，跌到差唔多之后，应该就会稳定。当市况稳定返之后，你喺左侧嘅价格反弹上去，其实获利机会系一定存在嘅。