看多 BULLISH
我昨日都讲，NVIDIA如果真系跌到大概165元，系有机会买。点解？好简单，佢个产品需求系非常无弹性。你唔买佢，除非你唔做，否则你去边度买？你唔系以为有人可以即刻代替到NVIDIA个GPU啊，唔好讲笑，基本上地球上冇其他公司可以取代。 所以今次件事，市场可以闹，可以骂，但股价其实都唔系跌得比预期多好多。原因就系核心冇变：技术力冇变，产品力冇变，商业模式冇变。呢啲先系最值钱嘅嘢。 我会分开睇呢件事。情妇还情妇，间谍还间谍。道德水平呢啲，我从来都唔觉得系股价最核心𠮶层。如果你话因为管理层啲花边、私德问题就完全唔买佢产品，咁好多美股都唔使玩。最重要系，你个产品仲系咪无可替代；NVIDIA而家就系呢种情况。 至于你话所谓间谍、或者芯片点样转口、贸易流向点样走，讲到尾我觉得主要都系管治问题、诚信问题，未去到基本面受损。最尽咪系贸易上面啲安排、经边间公司转来转去，但对NVIDIA本身嚟讲，佢都系卖货、都系收钱，又唔系白送，对公司冇直接经济损失。技术上你动摇唔到佢，产品上你替代唔到佢，呢个先系重点。 所以我而家睇，影响未至于太大，as long as件事停留喺呢个层次。当然，如果越挖越深，尤其系民主党真系将矛头指向黄仁勋本人，咁对NVIDIA嘅影响就会大一点。呢个我承认系风险。但以现阶段嚟讲，我仍然觉得今次更多系governance / integrity嘅问题，未足以动摇NVIDIA本身个core story。