看多 BULLISH
这次业绩其实都OK。你看广告收入、单价、同埋Q4指引，都是强的。 只不过大家会觉得 CAPEX 都是问题，但又唔使乜都当成问题。因为有时如果你对前景唔乐观，反而先会少用 CAPEX。依家市场最怕的，其实系佢又再好似之前咁不停上调 CAPEX。今次佢唔系，只系上调咗个 range 的底线，起码系 keep 住，未去到令市场太负面。 可能你个焦点会落返去自由现金流，系扣咗一点点，呢个都冇办法，因为佢真系要花好多钱落去。但 Meta 加上 Muse 的强项，就系佢有全世界最强的广告分发网络，同埋最多人用的一些社交媒体。如果佢的 AI 一旦真系改善到推荐同转化率，其实可以好快反映去收入𠮶边，个爆发力有机会由呢一刻开始。 当然，前提系佢个 AI 真系做得好，佢个 Muse 系继续有人用，又或者后来者竞争对手冇佢做得咁好。呢个假设其实几大。 另外，而家自由现金流转弱，会唔会唔系一季的事，之后都继续发生？呢个可能真系要再睇多几次业绩。第二个就系法律同监管风险。头先提到佢今季用咗 98.9 亿，呢笔系青少年安全、私隐同内容监管相关的法律诉讼费用。变相呢类开支已经未必系单独一次性的风险，之后会唔会继续蚕食财政，呢个要留意。 同埋佢昨日被新墨西哥州法院裁定要支付 250 亿美金罚款，涉及用户私隐。公司话会上诉，亦都有分析员话对短期估值影响有限；但如果上诉唔成功，真系要畀 250 亿，其实都唔可以忽视。