其实我对 NVIDIA 暂时都系有条件地偏多，但个重点真系好简单：163-164 呢条生死线。 我自己长仓而家仲有大约4%左右，之前跌落嚟我都有一路买，因为本身现金多，所以200、190𠮶啲位都接过。接落来如果去返170左右，我都会考虑再加一注。但前提系，163唔可以穿。呢条支持位横行咗一年多，每次掂到163附近，基本上都有强力反弹。琴日其实好接近穿，好彩收市抽返上168，盘前又去返173。对我嚟讲，170楼上先叫相对安全；守到163，我仍然睇好，觉得有机会见底再弹，短线甚至有机会望返210呢啲位，操作空间系有的。一穿163，我就唔讲信仰，直接沽，因为穿咗好大机会睇120楼下，咁就真系玩完。 如果纯睇资金流，其实又未算差到冇得做。之前大跌𠮶几日，大户资金都仲有捞底，只系琴日因为消息唔好，加上市场又惊12月加息可能唔止0.25%，所以捞底力度细咗。呢啲位反而要睇今日之后，科技股、AI股会唔会有个像样反弹。NVIDIA而家由高位跌咗接近40%，如果你话短线驳反弹，我觉得系有条件成立，尤其11月17号财报前几日，好大机会有人炒财报。星期四、星期五、星期一呢三日，我会偏向睇会唔会先弹一浸，之后再谂住走。因为18号前后个国会听证会先系麻烦位，议员问乜就要答乜，可能好多之前唔想讲、唔见得光嘅嘢都要摊出嚟，𠮶下股价反而会受压。 所以我唔系话 NVIDIA 冇风险，相反我觉得之后佢受国会／政府管制只会更多。再长少少睇，Google都已经讲到会同 AMD、AVGO 合作多啲制造晶片，市场未必再系 NVIDIA 一家独大，之后可能变成四、五家瓜分，佢个垄断力一定冇以前咁强。所以我自己买都唔会太重货，唔会主力单押 NVIDIA，反而要分散少少，AMD、AVGO 都可以当替代方案，安全啲。 但讲到即死，我又未睇到咁差。佢而家其实已经 oversell，forward PE 都压到好低，大概十二、十三倍左右，连 Cathie 都系170左右补过仓。更加重要系，美国而家喺 AI 同高阶晶片竞争上，仍然好依赖 NVIDIA。你话政府会唔会真系一棍打散佢、连自己个龙头都拆埋？我觉得未必。更似系借今次件事将把剑架喺 CEO 条颈上，叫你之后听话啲，唔好再做擦边球，而唔系要公司即刻死。NVIDIA 未必即死，后面未必冇机会继续维持佢个龙头地位。 总而言之，我而家个剧本好清楚：守到163-164，我偏向睇反弹，170附近都会考虑加；想玩，就玩财报前𠮶浸。穿163，我就直接走人。
看多 BULLISH