看多 BULLISH
如果你系巴菲特，手上拎住三千几亿，你会唔会买货？我会，仲要大量买。因为 Google 呢个位就系折扣价，等于打咗七折。喺巴郡角度，呢类绝对龙头、又有优势嘅股票，佢绝对会买，而且数量唔会少。所以之后几个月如果大家睇返 13F，见到 Google 持股由 10% 升到 20%，甚至 25%，超越 Apple 变第一大持股，我觉得完全唔需要奇怪。你有三千几亿在手，唔系为咗赚 4 至 5 个 percent 嘅定期，你系要揾啲可以用倍数计升幅嘅股票，而 Google 而家呢个价位，我睇就系咁样嘅七折价。