看多 BULLISH
Google 我又唔系特别担心。佢而家营业、现金流都差唔多 2000 亿，但资本开支都去到 1900 几亿，市场会惊，呢个我明。再加上佢今次个融资方法，系用认股权，即系偏向批股，唔系发债，咁你话发债又惊加债务，批股又惊分薄股权，两样都各有各令人担心。今次批 800 亿，对住 4 万亿市值，其实都系大概 2%，所以我又未去到好担心。呢五日股价都跌咗，五日跌 6%，市场反应咗先。但始终最重要唔系市场一时点反应，而系佢最终赚唔赚到钱，同埋用钱有冇失控。系，系洗大，但系咪洗得好夸张？我又未至于咁睇。