看空 BEARISH
甲骨文系咪好呢？我又咁谂㖞。佢而家都处于近排好低嘅位置，历史顶位都掉咗四成几落嚟，系呀，但佢仲要出钱食 TikTok 㖞。 问题就系，佢资金链真系有冇呀？会唔会搞到 CDS 再升呢？其实佢个资金链已经系好紧张㗎喇㖞。 当然，美国 TikTok 用户啲 Data 日后搬去甲骨文云端，佢应该会收到啲租赁费，搬得去美国，梗系贵啲，应该收得。咁咪系嘅，收到𠮶啲钱，睇下救唔救到佢啦。 但我有啲担心，反而系甲骨文已经水深火热，仲要搞呢一单 Deal。呢个消息引致甲骨文股价升，可以维持得几耐呢？如果直接咁讲，就系佢个资金链应该系越嚟越紧张，呢度大家自己要望一望。 再加上佢帮 OpenAI 起𠮶个数据中心要退到 27 年，你谂佢用几多钱呀。成个概念就系，洗得钱多，收返嚟嘅唔多，呢个问题应该喺出年年头继续困扰住呢一类半导体股、AI 股。