基金經理贏錢博奕_朱晉民：TLT 看空

我想直接回答，唔同大家讲咁多废话：投 TLT 呢一层，我系相当之反对。 你都睇到，十年期国债个市场而家已经认定，通胀系有机会比较 sticky，甚至系长期 sticky。再加上我刚才都大胆预言过，联储局暗瓦底嘅中性利率，其实系暗瓦底调高紧。 如果系咁，你仲要搏利率大幅向下？就算真系大幅向下，都可能要去到经济崩溃，然后先再疯狂减息。呢个已经系好后话，后面会唔会出现都成问题。 所以如果而家系因为「减息」呢个理由去压 TLT、压国债价格回升，我就直言，恐怕系错嘅。 我哋再细思极恐啲、大胆推敲啲：会唔会去到 2026 年，国债仍然系输，或者冇乜回报？甚至连续输四年？如果连续输四年，真系破尽宇宙纪录。但我都直言提醒，呢件事系有一定机会。Never say never，唔好以为冇可能。