看多 BULLISH
其实 Google 的 TPU 同 GPU，现在都系不断增长嘅状态。但 TPU 只可以满足特定训练需求，特别系 cloud 方面，大部分 Google 都系用嚟训练 Gemini AI model，系佢自己特别用嘅晶片。 同 NVIDIA 唔同，NVIDIA GPU 晶片系更加高通用性，无论 AI model、科学计算、cloud platform，都系做到嘅。 而大部分客户其实好难一下子用晒 Google TPU，因为转换成本高，亦都好难请人由用惯 NVIDIA CUDA platform，转去写 TPU。TPU 对好多客户嚟讲系一个冇乜人用惯嘅新产品，所以转换成本又高。 所以我哋相信，呢个只系短暂影响。好多 research report 都分析过，就算 Google TPU 真系发展得好犀利，都只系影响 NVIDIA 大约 5% 盈利收入。中长期嚟讲，我哋基本上认为 Google TPU 未必会对 NVIDIA 造成太大威胁。 如果大家真系相信 AI，我自己都非常相信 AI，其实呢个系一个趁机吸纳嘅时机。虽然你而家见到 NVIDIA 走势仲未突破，而且仲系走弱，但如果佢跌得更加犀利，其实系一个唔错嘅位置。 支撑位有机会可以作为试入场位置，如果穿过就要即刻止损；或者突破嘅话，就追求安稳。呢两个位置如果发生，都系唔错嘅部署机会。 所以我哋认为 NVIDIA 系一个唔错嘅机会，竞争力系仲喺度，呢个大家可以留意。