看多 BULLISH
我自己会咁睇，呢个位其实可以几乐观咁去观察亚马逊：AI点样带动AWS，而AWS再点样带动成个亚马逊嘅业绩，呢条链条系重要。\n\n更加重要嘅一点系效率。即系话，一个员工能够搬多好多嘢，呢一下已经好重要。先唔好理佢搬去边度，单系减少成本、增加效率，呢样都已经好厉害。所以你见到亚马逊系收入增加，同时成本减少，最后出嚟嘅结果就系纯利、就系利润。AWS可以有四成增长，然后成间企业可以有一成、两成增长，呢个趋势系相当之好。\n\n我唔知道终点会去到几时，系咪去到一万亿，我都唔知道去唔去到。但如果用呢个角度睇，前景系有吸引力嘅。\n\n不过，先唔好太兴奋。你扣咗400亿，其实纯利系200亿左右而已。如果你保守少少去计，纯利增长就冇咁惊人，profit margin都系10%左右而已。所以唔系话见到个数字就即刻好热血。\n\n但重点系咩？就系增加profit margin，兼且收入增长。呢个组合，我觉得系几有吸引力。