中性 NEUTRAL
Tesla 我经常讲，今次其实比以前厉害好多。你谂下去年，年初由四百八跌到三百七十几，早就唔知跌到边。今年由十二月尾跌到而家，走咗一个月，先由四百九十八跌到最低三百七点五，即系你当三百八，都系跌咗一百一蚊，算系好强。 但强就强，始终都系一顶低过一顶，而且有个比较斜嘅跌穿出现咗。所以我短线会睇四百一十五至四百三十蚊，呢个位就系逃生门。通常反弹会弹一点五日至三日左右，去到顶部附近。 我自己嘅睇法，尽量挨到下个星期初，快嘅话星期一头段可能已经见顶。我自己一定会喺下个星期二前全清短仓。 长仓就有啲尴尬。如果真系返到四百二十几蚊附近，我会将长仓比例调整到大概五六成左右，起码清一半左右，四成至一半，因为要走返现金。如果我长仓可以喺均价四百二十几蚊位置减到接近一半，到时攞返一半现金，返到三百六十蚊，我就有底气再加长仓。 所谓合格反弹，即系十五至二十%。你当三百六十蚊弹十五%，其实已经弹五十几蚊，即系上四百二十蚊；如果弹二十%，即系可以上四百三十几蚊。