由头至尾，我都唔系处理佢究竟外遇边个、或者有几多个。呢啲八卦唔系重点。重点一直都系后面个impact：而家市场传紧，如果《纽约时报》、WSJ一路咁爆，管理层会唔会去到罢免黄仁勋。罢免先系重要，因为𠮶个先系真真正正会影响公司、影响成个chip股定价嘅位。 所以现阶段你问我会唔会买NVDA？我唔会。唔使急，真系唔使即刻做。今个星期啲晶片股，随时巴黎铁塔反转再反转，日中点样走你未必估到。外围夜盘NVIDIA一度跌咗7%，正常嚟讲系要跌，但幅度系咪真系咁夸？我唔太信夜盘。夜盘始终成交疏、好少人参与，参考性有限，有时系成个market喺度呃你。与其而家即刻捞，不如等正式开市先睇反应。 但尴尬位系，图表上佢又真系穿咗。夜盘个价啱啱好打穿晒之前啲低位，连162、163𠮶啲脚底位都穿埋。再落下面𠮶啲悬崖位，其实几远——100、95，甚至86附近。去到呢啲位，你叫我买回头？心理压力好大，真系好难。两个低都打穿咗，我自己通常画横线，呢啲位硬捞，本质上就有啲赌大小。 所以我自己而家个做法好简单：先睇今晚正式开市。夜盘7%未必作得准，但打穿低位又令我完全唔想喺呢度接。尤其我自己要帮客人买，我更加冇办法喺呢个时间买NVIDIA，因为我解释唔到。呢下唔系处理八卦，系处理management risk。 当然，我都唔系话一定单边。若果之后有人出嚟澄清，话根本冇罢免呢回事，咁成件事对股价嘅杀伤力会细好多。相反，如果真系去到罢免黄仁勋，照道理𠮶下反而可能系最后嘅坏消息，坏消息出尽，之后有机会反弹。呢个可能性我唔否认。所以今晚你话一开波就调转沽爆佢，我都系𠮶句：睇反应先，唔好咁快。 如果你真系好想玩半导体，唔一定要拣而家呢只最封眼位嘅。拣AMD也好，Intel也好，甚至SOXX都好过喺NVDA呢一刻硬食呢个传闻加穿位嘅双重压力。有货嘅人可能会觉得，之前赢开，对呢啲消息有少少免疫；但新钱而家走去捞，真系另一回事。总之我而家唔买NVDA，先等开市，先等市场处理清楚个核心问题：系咪真系去到罢免黄仁勋。
看空 BEARISH