看空 BEARISH
到最后讲 LULU，你会发觉佢其实好尴尬，真系几绝核地夹咗喺中间。上游下游一齐夹佢：下面系低品牌、平价替代品，包括 Costco、亚马逊。佢哋虽然系平价，但又唔系求其平，系好有诚意咁用技术面料呢条路，继续提高自己嘅素质。咁对 LULULEMON 呢种高价定位，威胁其实系愈来愈大。 另一边，上面又有起码三至四个中高端品牌，例如 L-YOGA、ON 呢啲，又一路分流。即系话，佢唔系单纯俾平替打，亦都唔系单纯俾高端抢，系两头硬生生咁夹住。呢个情节，我自己会觉得，先系美洲同店连续多个季度倒退嘅核心原因。 然后更大问题，其实系股价上面𠮶个 value trap。我会深度地认为，LULU 最大嘅股价价值陷阱就在于：任何价格你都会觉得佢平。200 蚊嘅时候，当时未调低盈利，PE 大概 14-15 倍；之后一路跌到 150，佢又将盈利下修。下修完，PE 又被拉高返。表面上股价跌咗好多，但拉上拉落之后，你再望，佢又同你讲 PE 只系十几倍。 总之个陷阱就系：股价跌几多都好，因为盈利倒退，个 PE 会自动被修补返，变成永远都系十几倍。咁你就会不停有一种错觉，觉得佢好平、好抵，但实际上个基本面系一路向下，估值未必真系平过。