看空 BEARISH
我话先讲咗结论先，NKE 呢个可以跟嘅程度，我觉得一般啦。由低位上嚟都弹咗差唔多三四蚊，裂口都补返差唔多一半或者以上，咁呢一下 Tim Cook 𠮶个所谓威力，我觉得喺呢个增持入面似乎已经反映咗啰。 但呢个增持嘅金额，对 Nike 嚟讲其实系非常非常之少，唔可以代表成个 Nike 已经转咗势，呢个要先讲直言先。 核心净利润表现，我觉得仍然系相对比较差劲，兼且老实讲，呢种差劲嘅表现都维持咗好耐。除返而家个股价，都有差唔多三十倍 PE；就算我当佢盈利完全复苏，去返每股盈利三蚊，六十除三，其实市盈率都仲系廿倍。 所以以而家 Nike 呢个业绩情况，相对而家股价，我会觉得仍然好容易有下跌空间。大中华区𠮶边，我哋都有少少质疑，近乎好似冇乜点样救咁，因为营收下跌都系相当之暴力。 所以我唔系话诅咒 Nike 永远都下跌，而系当下Tim Cook 买完货之后，佢循例冲一冲；冲咗几棍你再追入，其实好大机会摸咗纸浪顶，然后又打头打落嚟，我觉得个机会都唔细嘅。