看空 BEARISH
所以我只能够讲一件事：纯粹以资金角度睇，阿里短线确实系有条件造反弹。技术图都几明显，呢度系一个左肩，而家系想走过头，颈线大概系108蚊，所以我今朝先讲108系关键位。你话有反弹，先睇几多？就睇下有冇机会去到裂口、近返个裂口位，大概120蚊，可能就会有一段咁嘅反弹。 但我都系𠮶句，反弹完之后有冇能力转势，呢样嘢就唔系用日线图去睇，要拉去周线图解读。即系话，就算接落嚟有机会出现一个短期反弹，甚至大反弹，之后向上点样先叫真真正正突破个形态？我觉得你起码要突破一百四十几蚊，你先叫真真正正向好。 所以我只能够话，阿里其实而家呢个时刻仍然系层层阻力。呢个好正常，技术面也好，基本面也好，你都要谂一下：你户口有咁多钱，阿里仲要去借钱，点解先？ 对散户又好，对机构又好，听完件事都系同一个问题：而家成个AI个头咁大，你而家投入嘅嘢，要两三年之后先可能真真正正见到终点。咁机构会点？我知道你快到终点𠮶阵先嚟搞你。你个AI story讲得几好听都好，讲得几宏伟都好，依家市场就系唔卖账，最简单。