中性 NEUTRAL
我先沿用返琴日个结论。短线层面，我个人睇法系，美股尤其系标普，好大机会落到绿色线附近，就会有一定程度嘅支撑喺度。 点解我会咁睇？我自己系用返议息前后个节奏去对。你睇 SPY 图，今年 6 月 17 号𠮶次，议息之前其实做过一个唔错嘅反弹，但去到议息前𠮶两日，就开始一级一级、轻轻咁落，基本上见咗顶；议息之后，就开始有加速回落嘅迹象。 再睇 4 月 29 号𠮶次，议息之前系经历咗一轮声浪之后嘅横行，或者叫微升状态，总之唔系好够力；议息之后，就突破咗。 跟住 3 月 17 号𠮶次都类似。议息前本身系回落紧，去到 3 月 9 号开始，或者你当 3 月 12 号开始，就变成一个横行整固形态；议息之后，又系突破。 唯独系今年年初𠮶次，28 号就比较明显系高位转角，议息之后出现。 所以你问我，而家如果纯粹以标普个情况去睇，其实个 setup 系几明显，甚至可以话系一个几靓仔嘅 setup。即系话，议息前后呢种节奏，以前唔系未出现过；而家个图行到呢度，我会先沿用返原本𠮶个判断：短线有机会去试绿色线，而𠮶度我会视为一个支撑位先。