看多 BULLISH
阿里巴巴有冇机会上返180蚊？绝对有。你拉返个长线睇，佢仲系有一个上升轨道，一底高于一底。之前个顶就系180蚊，绝对有机会上返；再之前最高位其实系309、310蚊。基本面呢，其实冇变坏。 所以如果你话，死啦，我180蚊摸顶买咗，咁点呢？咁惊咩呀。你唔识睇大浪，唔系透宏观啲睇个因素，你就会惊。 技术上其实已经变咗，仲系头肩底破颈线。由个头嘅顶到颈线𠮶段覆返上嚟，呢个量度升幅起码都去到165蚊。 基本面嚟讲，阿里巴巴其实系转型嘅科技股。嚟紧几年最大嘅发展就系AI同埋AI基建，云、数据中心、芯片等等。呢啲创造到嘅盈利，系可以大过电商好多嘅。 所以要上返历史高位，基本上嚟紧几年，除非呢啲业务失败，否则创历史新高系easy嘅事。当然基本因素唔系今日讲明日即刻到，就要俾耐性。你话揸货，以净股嚟计，上去有一倍嘅未来，可能一两年时间有一倍，我点解唔揸？