看多 BULLISH
富途而家我会当佢系去到一个阻力区间。原因好简单，啱啱到咗第一次会遇到嘅密集成交区，之前上面冇乜密集成交，所以升得好快；但而家啲好消息其实已经显现、亦都消化咗一部分，去到呢啲位再顶上去，升幅自然会慢啲。唔代表唔会升，只系对上面其实有唔少货，所以要再推上去唔容易，动力系明显减弱咗。咁所以我自己就先减咗一啲短线仓位。 如果之后富途呢一波因为好消息暂时消化完，有人沽货，令股价出现回调、拉回，我反而会再重新入返。咩位值得留意？最好当然系114蚊，回到呢个密集成交区，系有机会震一震落去。短线图层入面而家都出咗一啲沽售讯号，所以如果拉回到类似115呢啲支持位，我觉得系合适去部署嘅。 但讲清楚，我而家唔会沽晒。我核心仓仲系持有，因为估值上我哋认为富途仍然系平。佢起码如果去到12倍PD，仲有两三成空间有机会去到。短期之内可唔可以即刻上到，呢个未知；但我哋觉得呢一刻最终系会到。所以长仓一定有，只系短仓去到短线阻力区，就先食一食为上。