看多 BULLISH
TSLA 虽然已经破咗跌枪，图上都好清楚见到，而家又啱啱返到2、3月𠮶阵嘅阻力位。仲要准备公布业绩，业绩前突然弹得咁靓，我自己就会小心啲。 我先讲返，我自己 TSLA 仲有一半长仓喺度。但老实讲，呢个长仓表现真系一般般，因为大家都知我基本上系 all in TSLA，去到420几蚊𠮶阵先减咗一半长仓。所以而家我仲有一半长仓，之前300、300、300、400我都冇加返，因为我一直揸住𠮶一半，我自己唔敢喺𠮶阵加，始终都惊会唔会有机会落返300蚊以下。 以前 TSLA 大升之前，其实都试过破过一次连线，之后出现一个好强嘅反弹。𠮶次由低位弹咗16.39%，之后继续跌落去。见唔见到？ 而家又系跌穿过连线，而家呢个反弹，由330几弹到最高差唔多20%，同之前𠮶次十几、二十个percent左右，其实系差唔多。 所以我觉得接落嚟业绩好关键。当然我会继续揸住，因为都系𠮶句，我唔知业绩公布之后会点。但我而家策略好简单，如果业绩之后真系向上弹、真系向上升，我会睇位置可能追回，尤其系我420减咗长仓𠮶个心理关口位。 但如果业绩之后再回头，我就觉得完全中咗剧本，到时我就会准备随时加仓。 所以都系𠮶句，业绩前升，业绩之后真系要小心。即使我自己有咁多长仓，我都会咁讲。