看多 BULLISH
以 Amazon 来讲，点解我哋会睇好佢？因为始终佢本质上系一间 AI 基建、算力公司。即系话，佢会形成好多算力储备，之后就可以卖俾大模型。呢件事其实有少少似印钞机。你可以咁理解：以前石油时代，你要启动一架机器，譬如汽车，你都要烧石油；而家呢个 AI 时代，你要营运大模型、做运算，你都要烧算力。Amazon 就系一间产生算力嘅公司。 另外一样我觉得好重要，就系云端。佢而家喺云端方面，已经系一个垄断市占率嘅位置，大约占 31% 至 32%。而佢连同 Google 同 Microsoft，其实已经垄断咗成个 AI 云端算力市场，大约 60% 至 70% 左右市占率。所以我哋自己系睇好云端服务嘅增长，长期嚟讲，我哋都会买 Amazon 呢间公司。 再讲股价形态，其实好大机会一条上升轨系形成紧，所以好容易会继续回升，亦有机会再突破之前高位。佢本身就系一只唔错、持续稳定增长嘅股票。我哋自己可能会摆长仓，个目标摆长少少，可能系 3 至 4 年左右。我哋预期，可能会升两倍左右；而家大概 250 元附近，去到大约 750 元左右。呢个就系我哋对 Amazon 嘅睇法。