看多 BULLISH
Microsoft呢份数，收入813亿，增加17%；纯利385亿，增加六成。点解咁靓都要跌？成也OpenAI，败也OpenAI。 你谂下，就算撇除𠮶80亿，其实都好夸张，800亿收入赚300亿，Net profit margin都接近三成几，真系非常厉害。 OpenAI承诺同Microsoft买二千五百亿云端服务，拆开条数，其实系Win-Win。Microsoft有大量订单，亦赚咗一个帐面收入。但问题系，第一，𠮶笔钱系来自Oracle，偏单一事件；第二，咁多订单来自OpenAI，如果佢唔得，会唔会无法支付？所以就算Microsoft数字咁好，都多咗少少不确定性。 至于有人吹毛求疵话毛利率首次跌穿70%，跌到68%左右。咁你仲想点？毛利率跌到70%其实已经好夸张。 Azure同其他云端营收成长大约40%左右，其实系好厉害。所以我觉得市场有啲吹毛求疵，只系股值本身都偏贵。