看多 BULLISH
另外讲下 Intel。其实我哋自己都有买，87、88 呢啲位已经买咗两注，暂时都系获利。咁我哋而家系两手准备：如果股价呢几日有反弹，弹返去之前高位，大约有 30% 左右，我哋会走；但如果接落嚟 Microsoft、Google、Amazon，甚至 Intel 自己啲业绩有啲唔好，搞到股价再跌，甚至成个板块一齐跌，我哋反而会继续买。只要低过 88，我哋就会再捞，因为佩洛西买 Intel 嘅价系 91.94，我哋而家 87、88 去买，其实已经平过佢好多。 我哋自己预期系买五注 Intel，暂时得两注，仲有三注。如果再跌穿 88 呢啲位，我哋都会再去捞货。原因好简单，我哋长远仍然系非常睇好 Intel 呢间公司。 点解睇好？因为如果你讲全世界真系可以做到一条龙生产嘅公司，其实得两间：一间三星，另一间就系 Intel。由上游晶片设计、中游晶片生产，到下游封装销售，自己一间公司搞掂，全世界得两间，而 Intel 就系其中一间。再加上 Intel 系美国本土公司，特朗普都用过政府资金入股，亦有好多唔同大佬一路再投资 Intel。将来如果外地真系有地缘政治冲突，搞到晶片供应紧张，其实好多订单最后都会用到 Intel。 所以我哋喺长仓方面，预计会买到 5% Intel。只要个价合理，我哋都会持续去买。