看多 BULLISH
所以今次财报之后，市场对AI资本开支已经见顶的担忧，明显系下降咗。英伟达敢喺大众面前，畀出70%嘅公开增长指引，呢个本身就系一个非常现实嘅支撑。 支撑有两个。 第一个，来自产品周期。之前市场担心嘅系，Blackwell系列太强，下一代产品会唔会接唔上。但而家睇落，英伟达自己系充满信心，透过由Blackwell到Ruby系列嘅连续反复运算，令AI算力升级周期继续延长。 第二个，来自Hyperscaler嘅资本开支。即系几间大公司，目前依然冇明显减少AI投入。英伟达喺电话会议上引用嘅资料甚至显示，Top 5 Hyperscaler喺2026年嘅资本开支接近8000亿美金。其实市场喺年初预计都系6000亿，原本对2027年嘅预期系1万亿，而家又调整到7300亿。咁英伟达今次财报最重要嘅结论，其实非常简单：市场系underestimate咗AI基础设备投资周期嘅长度。 市场普遍认为，2025、2026高速增长之后，2027会明显下降；但如果英伟达今次讲嘅嘢系真，咁2027呢个预期，好明显就系唔对。 未来几个季度，英伟达最大嘅检验点，就系呢70%增长可唔可以兑现，同埋毛利率可唔可以维持喺高位。如果呢两样都成立，就算英伟达唔大升都好，退一万步讲，你要佢暴跌，基本上系唔可能。