看空 BEARISH
尤其Meta出完业绩之后，有件事我真系百思不得其解：点解可以跌6%？因为你睇季度盈利指标，全部都系高增长，亦都好过市场预期，Muse又真系有效。 但问题系，市场之前点样炒呢？之前佢曾经急抽，系因为大家以为佢放弃发展AI语言大模型，或者LRM，觉得佢𠮶套唔得，结果变咗卖算力作为收入。即系市场当时个解读系：你投资过度，依家唔再投咁多AI基建，卖返剩余算力出嚟，咁财务梗系会靓，所以就急升。 点知今次财报一出，Muse做得好系好，但佢反而提高咗AI基建支出承诺。今年去到8,250亿美金，之前只系7,000亿美金，一下子加咗千几亿美金。呢个数字其实系好夸张，好犀利。 咁市场惊讶嘅位就系：你开支咁大，收返嚟之后，你究竟有冇信心做到个平衡？呢样先系重点。结果就系，原本业绩好呢件事，被一笔抹掉。短短两个月内，个叙事又由本来嘅走势反转，变返做烧钱。 所以我成日话，看业绩唔好净系睇大数。今次就系一个好例子。唔好以为公布业绩好，前景就真系好。其实前景仲有好多变数，未必有盘数睇落去咁理想。只要你借业绩抽上去，但之后再反映前景唔系咁理想，佢系可以跌返咁多，甚至跌突。