中性 NEUTRAL
我自己会觉得，SNOW 嘅公平价值，大概就系 230 到 265 呢个区间。其实呢个位，已经几接近一啲比较乐观嘅投行——例如瑞银——出嘅目标价。某程度上讲，呢个价格都已经 price in 咗高成长性，同埋某程度上 AI 嘅故事。 如果你话要去到极度乐观嘅价格，265 到 290 以上，其实真系得好少投行会畀到呢种 scenario。包括而家最乐观𠮶间，都只系得一间，严格讲都唔算传统投行，就系 HSBC，汇丰证券。 所以我会觉得，Snow 短期来讲应该仲有动能。好细个证据就系，当佢之前冲咗三十几个 percent，理论上应该系有回吐指望嘅，但佢唔单止冇，反而再用更加明显嘅百分比向上。呢样其实都几明示，先唔理 fundamental，净系讲短线动能，佢应该都系相对比较强势，仲有机会收复一部分失地。 但如果万一真系连汇丰𠮶个最乐观嘅价格都去到，即系 280 到 290 呢啲水平，我觉得就真系开始偏贵。到时如果你过咗𠮶个价钱先去做，咁就有机会系摸顶。