看多 BULLISH
Tesla呢只，我平时有买。啱啱最高去到406，而家其实又系啱啱顶到四小时图个阻力。 所以最稳阵起见，你问我，就系突破咗阻力先至有机会再向上走。因为去到日线图层面，呢个位其实已经磨到有啲尽头。 我自己个人判断就系：如果佢喺业绩前起飞，完全唔使怕冇机会买返。反过来，如果佢喺业绩前呢段时间仲系咁样震、咁样磨——而家又剩返唔系好多时间，下个礼拜22号就公布业绩——咁反而业绩之后，佢有机会冲。 但如果业绩前已经咁样冲咗上去，根本就唔使担心，日后我一定仲有机会上返车。呢一点大家要留意。 至于我自己点做，我系会操作嘅。我自己都有Tesla，四零几、四百一附近我会走一走，落返三九几我又会买返，就系咁样做。去到业绩之后，我先再谂下坐唔坐久啲。 当然我自己仲有长仓。长仓𠮶边我个做法好简单，400蚊以下𠮶啲货，我就觉得OK。