看多 BULLISH
AMAT呢段我哋会睇得几贴，因为我哋自己买𠮶阵其实一早设咗支持价，大约就系呢条黄色线，跌穿嘅话，大约425元我哋就会沽。买入价系455元，所以而家呢啲位置，其实琴日AMAT个股价表现都唔错，升咗5%多。 纯图表去睇，AMAT而家算系比较靓仔，因为已经突破咗呢条蓝色线，其实有几大机会继续挑战返之前高位。我哋上一条片都讲过，大约去到560元左右呢个价，我哋就会沽货。 所以呢两三日我哋大部分时间都会放喺AMAT身上。因为如果个升势系比较靓仔、直接咁样推上去，可能今个星期就已经到目标价大约560元。你再睇埋下面啲指标，其实都仲有少少空间可以升，尽量可能去到碰70呢个位置，我哋就会沽货，即系话而家仲有一定空间可以上。 另外一样我哋之前都几重视嘅，就系现金流。大户嘅现金流其实系不停流紧，而家连散户资金都开始跟住流。我哋会觉得，喺双资金驱动嘅情况下，AMAT有机会再靓仔少少，去到我哋个位置。