看空 BEARISH
Oracle 都系咁玩。九月份𠮶次系自己落场，用自己个名 raise 债，Oracle back 嘅，OK。到十月尾、十一月，又玩多次 Meta 𠮶招，38个B 嘅债，同人一齐做，唔自己掩晒，唔用自己名做。 你问我，而家好 expressly 见到嘅风险，就系 Data Center。Oracle 系咁帮 OpenAI 起 Data Center，之前都已经有人质疑：其实你执到几多呢？基本投资好大好大，但毛利可以好低好低。再加上你个财务状况，真系一般㗎咋㖞，所以睇落开始有好多质疑。 之前甚至有人讲到 default 有冇机会，我觉得 default 系夸张咗啲。但系你睇得到佢哋嘅手法，起 Data Center 已经唔再用自己名，已经闻到啲嘢㗎。