看空 BEARISH
美股入面有强势股，相对上有冇弱势股呢？绝对有。Lululemon，我会话系弱中之弱。 点解呢？一来个brand个调性，去到DEI呢件事上，我自己就觉得佢搞到四个字：不伦不类。DEI讲包容，讲一视同仁，高矮肥瘦、有纪律冇纪律都包埋，但问题系运动品牌本身，大家去做运动，讲到尾就系想fit一点嘛，大哥，系咪先？所以Lululemon又冇力排众议，又要加入呢个行列，我就觉得你唔好咁虚伪，成件事好唔夹。 二来就系个数。全年销售大约100亿，但系仲要跌5%至7%。呢个先系重点：唔系冇增长咁简单，系开始跌。EPS估计大约9.5至9.7，我当你10蚊啦，咁而家其实都已经系10倍PE左右。听落去好似好平，跌之前大约120蚊，个估值杀到咁，真系好吓死人，但我会话，好合理。 因为便宜系冇用㗎。你而家见到嘅唔单止系冇增长势头，而系已经转咗去下跌，而且系持续地下跌。咁呢只嘢，弱，仲要系弱中之弱。