中性 NEUTRAL
我自己觉得，AMZN 下一水要留意嘅，可能系下一季季度业绩开始，大家会拎返两样嘢出嚟讲。 第一个系借返嚟嘅钱、发债𠮶啲钱，个利息开支会唔会变成市场焦点。第二个就系摊销。你而家见到佢由上年开始，咁大规模咁买厂、买写字楼、买GPU，一路摊销落去，可能下一季或者再下一个季，呢条数就开始出，而且可能会越嚟越多。会唔会又变成市场另一个担心元素？始终都会影响份业绩，同埋盈利表现。 如果睇第二季，佢购置物业和设备嘅钱系542亿，高于去年同期嘅321亿，呢旧钱系要加点钱、要多花点钱。自由现金流就由同期181亿，变成负76亿嘅现金流。