看空 BEARISH
Nokia 呢个故事其实系有趣嘅。星期五升咗一倍，最主要原因系 NVIDIA 入场。NVIDIA 大约 6 蚊入，依家 11 蚊，差唔多升咗一倍。 你睇 Nokia 5G 市场 share 都大，佢同 Ericsson、华为叫做三分天下。但纯粹拆返件事，AI & Cloud 𠮶边系有客户、有故事，成间公司 overall 按年 sales 都系升 2%。所以我觉得好大程度系 hype，唔系话突然有啲乜嘢好宏伟嘅部门爆出嚟，感觉上其实唔系好系。你话呢件 business 占 10%，就算升一倍都系升 10%，但其他嘢都仲系跌。 少少亮点就系由 25 年到 26 年，叫做 turnaround，有少少钱赚，net profit margin 2%。但今次赚到钱，主要都系 cut cost，cut Sales & General Admin，SG&A 𠮶度 cut 跌跌，赚返钱。即系有少少 turnaround story，加埋 NVIDIA 个故事，所以炒得咁劲，但数目上我暂时跟唔到。 NVIDIA 买𠮶个位系靓嘅，相对叫做 bare case，6 蚊左右。依家你话 11 至 13 蚊，美股价，可能仲有 10% 水位；如果你真系睇到好 upside 都可以。但我自己睇，就系好贵。